A obra preséntanos as peripecias de dous irmáns influenciados por dous mundos distintos. O do seu pai, un libreiro nostálxico do hippismo, e o da súa nai, unha adiñeirada profesional. Ian -Moonkid- prefire omundo do pai e considérase un extraterrestre en medio dos seuscompañeiros de instituto. Polo contrario, Libby -Liberty- identifícase máis coa súa nai e o único que desexa é ser unha muller respectable e poderosa. O reencontro desta singular familia vai producir situacións de gran comicidade.
