"Lume esmorecido" reúne once narracións onde se recrea o universo imaxinario de Xavier Costa Clavell. Un universo en que se reflicte a grandeza e a miseria do ser humano e que ten como impulsor a conxugación de forzas contrapostas. Estas forzas, ademais de dar vida ós relatos, correspóndense coas mesmas que fan avanzar a vida cara á inmortalidade: o amor que se cría imperecedoiro vólvese desamor; a vida vese sorprendida pola morte; a represión é o acicate perfecto para a vinganza...
