Estas son as memorias dun notario, a fe de vida de si mesmo e de xentes que se achegaron polo seu despacho con mil e unha historias churrusqueiras. Nelas está a máis fonda realidade dunha Galicia que ficou no pasado, a súa pervivencia actual é só literaria. Luís Moure, escribán de honra, gardou no rexistro íntimo o devalar desa xente toda que foi perdéndose na néboa do tempo. Un libro para ler, tamén, co sorriso nos beizos.
