Unha noite de fin de ano o cadáver dunha muller aparece aboiando na ría de Vigo, suceso que esconde unha longa historia de realidades. A novela sitúanos no mundo xornalístico da cidade olívica na década dos oitenta, nos ambientes degradantes e sórdidos da trata de brancas; reflicte unha situación dura e cruel amparada na covardía que afoga sen piedade as súas protagonistas, que ven como a súa vida, dominada pola angustia e impotencia, se afunde entre as catro paredes dun local de alterne de xeito irremediable.