O xurado que lle concedeu a esta obra o IV Premio de Novela García Barros destacou dela a temática de actualidade que aborda: a marxinación dos minusválidos e a súa loita por acadar un nivel digno de consideración social. Este relato cru e arrepiante, de intención realista, é un manifesto ecolóxico fronte á agresividade despregada polo poder político e económico contra o medio natural, contra a mesma sociedade. O autor non renuncia a combatir a brutalidade dos poderes, non esquece a solidariedade cos feridos, non retrocede ante a inxustiza.
