No último tramo do século XX, moitas foron as miradas que se dirixiron a Brasil. En primeiro lugar, e sobre todo, polo dinamismo da súa sociedade, a creatividade da súa política e a orixinalidade das propostas e accións que xurdían do seu entorno. Ese discurso, sustentado nun pensamento emancipado que bebía de numerosas fontes pero que ambicionaba trazar novas respostas de signo progresista aos eternos desafíos da humanidade, axiña se propagou a moitos recantos do planeta.
