Cando Quino vai pasar uns días a casa do seu avó, descobre a fantástica e emocionante historia dun antergo seu: O Pirata Xocas. Un vello libro cheo de po levará ó rapaz a resolve-lo grande enigma que envolve o pasado da súa familia. As súas páxinas encherán de emoción, odio, intriga, amor, amizade e dor unha noite de lectura e misterio ó mesmo tempo que descubrirán a apaixonante vida do Pirata Xocas e as súas fazañas a bordo do Furacán, enfrontado ó terrible capitán don Xan Manoel de Villena e Pairo.
